سوپر اسٹار رجنی کانت کو صرف فلموں میں ان کی اداکاری کے لئے ہی نہیں بلکہ سادہ زندگی جینے کے انداز کے لئے بھی کافی پسند کیا جاتا ہے۔ اس کے علاوہ ایک عام انسان سے سوپر اسٹار تک کا انکا سفر بھی لوگوں کے لئے بہت متاثر کن ہے اسی وجہ سے تامل ناڈو میں نصابی کتابوں میں ان کی زندگی شامل کرنے کے بارے میں کافی عرصہ سے غور کیا جارہا تھا اور اب رجنی کانت کو تملناڈو کی نصابی کتابوں میں جگہ مل گئی ہے۔ ان کے ساتھ ساتھ لوگوں کے لئے متاثر کن اور بھی شخصیتوں چارلی چپلن، وغیرہ کے بھی ان میں اسباق ہوں گے۔ شاید یہ بات کم ہی لوگوں کو معلوم ہوگی کہ کارپنٹر کی نوکری کیا کرتے تھے پھر بس کنڈکٹر بنے اور بعد میں اداکار کے روپ میں چمکے۔ فی الحال رجنی کانت ڈائرکٹر اے آر مرگاداس کے ڈائرکشن میں بن رہی فلم ’’دربار‘‘ کی شوٹنگ میں مصروف ہیں۔