غزہ کے مظلوم عوام سے اظہار یکجہتی کیلئے فلسطینی پرچم کے رنگوں کی ٹوپیوں کا استعمال
واشنگٹن: امریکہ میں نیویارک کے ٹائمز اسکوائر پر رمضان المبارک کے آغاز کے موقع پر درجنوں مسلمان نماز ادا کرنے کے لیے جمع ہوئے۔ انہوں نے غزہ کے مظلوم عوام سے اظہار یکجہتی کے لیے فلسطینی پرچم بھی اٹھا رکھے تھے۔میڈیا کی رپورٹ کے مطابق سعودی عرب، متحدہ عرب امارات اور قطر سمیت خلیجی ممالک میں کل چاند نظر آگیا اورمقدس ماہ کے شروع ہوتے ہی مسلمانوں نے نیو یارک ٹائمز اسکوائر پر نمازِ تراویح ادا کی۔نمازیوں میں سے ایک 20 سالہ سلمان الحنفی نے کہا کہ میں ہر جگہ مسلمانوں کو دیکھ کر حیران ہوں۔ میں یہاں پہلی بار آیا ہوں۔نیویارک میں شدید سردی اور ٹھنڈی ہوا کے باوجود مسلمانوں کی بڑی تعداد دعائیہ اجتماع کے لیے جمع ہوئی جس میں خواتین اور بچے بھی شامل تھے۔وہاں موجود ایک نمازی نے کہا کہ اجتماعی دعائیں لوگوں کو یہ جاننے میں مدد کرنے کے لیے اہم ہیں کہ دنیا بھر میں کیا ہو رہا ہے۔غزہ سے اظہار یکجہتی کے لیے کچھ لوگ فلسطینی پرچم کے سرخ، سفید، سبز اور سیاہ رنگوں سے مزین ٹوپی پہن رکھی تھی جبکہ الیکٹرک وہیل چیئر پر ایک نوجوان لڑکے نے بینر اٹھا رکھا تھا۔ اسرائیل۔غزہ جنگ کے بعد سے نیویارک میں فلسطینیوں سے اظہار یکجہتی کے لیے درجنوں مظاہرے کیے جاچکے ہیں۔ امریکہ کے علاوہ دنیا کے بیشتر ممالک میں غزہ جنگ بندی کیلئے مظاہروں کا سلسلہ جاری ہے