کوئمبٹو، 19 نومبر (پی ٹی آئی) ٹی 20 میں آخری اوور میںکرشمہ کرنے کی اپنی صلاحیت کے لیے مشہور رنکو سنگھ نے چہارشنبہ کو طویل فارم کے کھیل میں کیریئر کے بہترین 176 کے ساتھ اپنا پیغام دکھایا ہے اوراتر پردیش کو تمل ناڈو کے خلاف رانجی ٹرافی کے میچ میں پہلی اننگزکی اہم برتری حاصل کرنے میں مدد ملے۔گروپ اے کا مقابلہ چوتھے اورآخری دن ڈرا پر ختم ہوا جب یوپی کا دورہ کرنے والی ٹیم تمل ناڈوکی پہلی اننگز میں 455 کے مجموعی اسکورکے جواب میں 460 آل آؤٹ ہونے کے بعد تین پوائنٹس حاصل کرلی۔ میزبان ٹیم کو کھیل سے ایک پوائنٹ ملا۔یوپی جو پانچ رنزکی معمولی برتری حاصل کرنے میں کامیاب ہوا اس کی بڑی وجہ رنکوکی اننگز اور لوور آرڈرکے بیٹرسکی کچھ کارآمد شراکتیں تھیں جن میں شیوم ماوی کے 54رنز بھی شامل ہیں۔
مچل کو درجہ بندی میں ترقی
دبئی، 19 نومبر (آئی اے این ایس) ٹی20 کرکٹ میں مردکھلاڑیوں کی تازہ ترین درجہ بندی میں نیوزی لینڈ کے ٹم رابنسن نے ویسٹ انڈیزکے خلاف آخری میچ میں 45 رنزکی اننگز کھیل کر آٹھ درجوں کی ترقی کی اورکیریئر کے بہترین 15ویں مقام پر پہنچ گئے۔ فاسٹ بولرجیکب ڈفی بھی تیسرے سے دوسرے نمبر پر پہنچ گئے ہیں، جبکہ مچل سینٹنر (پانچ درجے ترقی، 18واں مقام) اورمحمد نواز (چار درجے ترقی، 27واں مقام) نے بھی ٹی 20 بولروںکی درجہ بندی میں پیش رفت کی ہے۔