ماسکو : روس 20 اکتوبر کو افغانستان کے حوالے سے ایک بین الاقوامی مذاکراتی دور کی میزبانی کا ارادہ رکھتا ہے۔ روسی صدر ولادیمیر پوٹن کے خصوصی نمائندے برائے افغانستان ضمیر کابلوف کے مطابق ان مذاکرات میں طالبان کی قیادت کو بھی مدعو کیا جائے گا۔ تاہم اس بین الاقوامی کانفرنس کے حوالے سے مزید تفصیلات فراہم نہیں کی گئیں۔ ماسکو نے مارچ میں بھی ایک بین الاقوامی افغان کانفرنس کا انعقاد کیا تھا، جس میں امریکہ چین اور پاکستان شریک ہوئے تھے۔
