نئی دہلی28نومبر (یو این آئی) روس کے صدر ولادیمیر پوٹن 23ویں ہندوستان۔ روس سالانہ سربراہ اجلاس میں شرکت کیلئے 4 دسمبر کو ہندوستان کے دو روزہ دورے پر آ رہے ہیں۔ پوٹن ،وزیر اعظم نریندر مودی کی دعوت پر ہندوستان کا دورہ کر رہے ہیں۔ صدر جمہوریہ دروپدی مرمو روسی صدر پوٹن کا استقبال کریں گی اور ان کے اعزاز میں عشائیہ دیں گی۔ وزارتِ خارجہ نے آج ایک بیان میں کہا کہ پوٹن 4سے 5 دسمبر تک ہندوستان کے دورہ پر ہوں گے ، جہاں وہ ہندوستان۔ روس سالانہ سربراہ اجلاس میں حصہ لیں گے ۔ دورے کے دوران پوٹن ، مودی سے گفتگو کریں گے ۔
