ڈھاکہ،30جولائی (سیاست ڈاٹ کام) بنگلہ دیش کی وزیراعطم شیخ حسینہ نے کہا ہے کہ وہ بات چیت کے ذریعہ روہنگیا بحران کا حل نکالنا چاہتی ہیں۔وزیراعظم کے پریس سکریٹری احسان الکریم پیر کی شام لندن میں ومبلڈن کے لارڈ احمد کے ساتھ وزیراعظم حسینہ کی ملاقات کے بعد یہ بتایا۔محترمہ حسینہ نے کہا،‘‘ہمارے اوپر گیارہ لاکھ روہنگیاؤں کو پناہ دینے کا بہت بڑا بوجھ ہے ۔ہم اس مسئلے کا حل بات چیت کے ذریعہ چاہتے ہیں۔’’لارڈ احمدحال میں دولت مشترکہ اور اقوام متحدہ کے لئے برطانیہ کے وزیر مملکت کے طورپر کام کررہے ہیں۔پریس سکریٹری نے لندن سے فون پر کہا کہ لارڈ احمدا نے روہنگیا معاملے میں ہر ممکن حمایت دینے کی یقین دہائی کی ہے اور کہا کہ برطانیہ کے وزیراعظم بورس جانسن کو اس کا علم ہے ۔دہشت گردی کا مقابلہ کرنے کے مسئلے پر بات چیت کرتے ہوئے محترمہ حسینہ اورلارڈ احمد دونوں نے کہا کہ اسلام امن کا مذہب ہے اور وہ دہشت گردی کی حمایت کبھی نہیں کرتا ۔