نئی دہلی : مرکزی حکومت نے اب تک ملک کی تمام ریاستوں اور مرکزکے زیر انتظام علاقوںکیلئے ابھی تک 23,11,68,480 کووڈ ڈوز فراہم کئے ہیں۔وزارت صحت و خاندانی فلاح و بہبود نے پیر کو بتایا کہ آج صبح تک دستیاب اعدادوشمار کے مطابق اب تک 21,22,38,652 ڈوز دیئے جاچکے ہیں اور ان میں وہ بھی شامل ہیں جن کا صحیح استعمال نہیں ہوا ہے ۔وزارت نے اپنے بیان میں کہا ہیکہ ریاستوں کے پاس اب بھی 1.75کروڑ یا 1.75,48,648 اضافی ڈوزیں ہیں۔ اس کے علاوہ 2,73,970 سے زیادہ ویکسین کی خوراک ریاستوں کو بھیجے جارہے ہیں اور اگلے تین دنوں کے اندر ریاستوں ؍ مرکز کے زیر انتظام ریاستوں کو موصول ہوجائیں گی۔ وزارت نے بتایاکہ پورے ملک میں ویکسینیشن مہم کے طور پر ریاستوں اور مرکز کے زیر انتظام ریاستوں کو کووڈ ویکسین مفت فراہم کرکے ان کی مدد کر رہی ہے ۔ اس کے علاوہ حکومت ریاستوں کے ذریعہ ویکسین کی براہ راست خریداری میں بھی مدد فراہم کررہی ہے ۔ ویکسی نیشن ،ٹسٹ ، ٹریک ، علاج اور روک تھام اور ان کے انتظام کے لئے مرکز کی جامع حکمت عملی کا لازمی جزو ہے۔ کورونا کی تیسری لہر سے نمٹنے کے لئے حکمت عملی پر عملدرآمد کے لئے یکم مئی 2021ء سے ٹیکے لگانے کا عمل شروع ہوا ہے ۔وزارت نے بتایا کہ پورے ملک میں ویکسینیشن مہم میں اب تک 21.3 کروڑ افراد کو ٹیکے لگائے جاچکے ہیں۔
