نارائن پیٹ جدید کلکٹریٹ کے تعمیری کاموں کا
نارائن پیٹ۔ 18 جون (سیاست ڈسٹرکٹ نیوز) ریاستی وزیر ایکسائز ٹورازم اسپورٹس وزیر ڈاکٹر وی۔ سرینواس گوڑ نے آج نارائن پیٹ ضلع مستقر پر نو تعمیر شدہ مربوط ضلع کلکٹر کے دفتر کا اچانک معائنہ کیا ۔ ضلع کلکٹر نارائن پیٹ کویا شری ہرشا اور ضلع کے عہدیداروں نے وزیر کا پرتپاک استقبال کیا۔ اس موقع پر ریاستی وزیر نے کلکٹر آفس کے تعمیراتی کاموں کا معائنہ کیا اور کاموں میں تیزی لانے کا حکم دیا۔ اس موقع پر ریاستی وزیر نے خود ستونوں پر پانی چھڑکا۔ اس موقع پر بات کرتے ہوئے ریاستی وزیر نے کہا کہ ریاست کے 33 اضلاع میں ایک شاندار مربوط کلکٹر آفس بنا کر تمام سرکاری محکموں کو ایک ہی مقام پر مل کر کام کرنے کو یقینی بنانے کے لیے اقدامات کیے گئے ہیں۔ انہوں نے ضلع کلکٹر کو ہدایت کی کہ وہ نو تشکیل شدہ نارائن پیٹ ضلع IDOC دفتر ضلع کلکٹریٹ کے قیام کے کام کو جلد از جلد مکمل کرنے کے اقدامات کریں۔ اس موقع پر آر اینڈ بی ڈی یی انجینیر رامولو، تحصیلدار دانایا اور دیگر موجود تھے۔
