چیکیا: پریکٹس کے دوران زخمی ہونے والے نیرج چوپڑا اوسٹراوا گولڈن اسپائک 2024 اتھلیٹکس میٹ میں حصہ نہیں لیں گے ۔ ورلڈ اتھلیٹکس کانٹی نینٹل ٹور گولڈ لیبل ایونٹ کے منتظمین نے ہفتہ کو اس اطلاع کی تصدیق کی۔ انہوں نے کہا کہ ہندوستانی جیولن پھینکنے والے نیرج 28مئی کو چیکیا میں اوسٹراوا گولڈن اسپائک 2024 ایتھلیٹکس میں حصہ نہیں لیں گے ۔ موجودہ اولمپک اور عالمی چمپئن نیرج چوپڑا چند ہفتے قبل ٹریننگ کے دوران پٹھوں میں انجری کا شکار ہو گئے تھے جس کی وجہ سے انہیں ٹریننگ سے باہر ہونا پڑا تھا۔ تاہم، نیرج سالانہ اتھلیٹکس مقابلے کے 63ویں ایڈیشن میں بطور مہمان موجود ہوں گے۔ منتظمین نے نیرج چوپڑا کی جگہ جرمنی کے جولین ویبر کو شامل کیا ہے ۔ اوسٹراوا میں مردوں کے جیولین تھرو میں مقامی پسندیدہ اتھلیٹ جیکب واڈلیج ٹوکیو 2020 کے چاندی کا تمغہ جیتنے والے اور ڈائمنڈ لیگ اور گولڈن اسپائیک چمپئن شپ میں شامل ہوں گے ۔ سابق عالمی چمپئن گریناڈا کے اینڈرسن پیٹرز بھی شرکت کر رہے ہیں۔ یہ مسلسل دوسرا سال ہے جب نیرج کو اوسٹراوا گولڈن اسپائک سے باہر ہونا پڑا۔ انہیں گزشتہ سال بھی مقابلے کے لیے اس فہرست میں شامل کیا گیا تھا، لیکن وہ پٹھوں میں چوٹ کی وجہ سے حصہ نہیں لے سکے تھے۔ اوسٹراوا میٹ نیرج چوپڑا کی سیزن کی تیسری مسابقتی میٹ تھی۔ نیرج چوپڑا کو آئندہ 18جون کو فن لینڈ کے شہر ترکو میں پاو نورمی گیمز میں حصہ لینے والوں کی فہرست میں شامل کیا گیا ہے ۔
