برسلز: زمین کے قریب 30 ہزار سے زائد سیارچے دریافت ہوچکے ہیں جن میں سے 1400سے زائد کا ہمارے سیارے سے ٹکرانے کے امکان ہے، یورپی خلائی ایجنسی نے انکشاف کردیا۔ زمین کے قریب سیارچے سورج کے گرد ایک راستے پر چکر لگاتے ہیں جو انہیں زمین کے مدار کے قریب لاتا ہے اور کچھ ہمارے سیارے سے ٹکرانے کی صلاحیت رکھتے ہیں۔ یورپی خلائی ایجنسی کے مطابق زمین کے قریب کل 30,039 سیارچے ہیں اور ان کی تعداد تیزی سے بڑھ رہی ہے۔ تقریبا 10 ہزار سیارچے 140 میٹر یا اس سے زیادہ قطر کے حامل ہیں جبکہ ایک ہزار سیارچوں کا قطر ایک کلومیٹر سے بھی زیادہ ہے۔امریکی خلائی ادارہ ناسا کا کہنا ہیکہ زمین کو خلا میں موجود کئی سیارچوں سے خطرات لاحق ہیں، ناسا نے زمین کا دفاع کرنے کی حکمت عملی کے تحت نومبر میں ڈارٹ مشن بھی روانہ کرنے کا اعلان کیا ہے۔
