جہیز کی لعنت سے مسلم معاشرے کو پاک کریں ،علماء و ائمہ کرام کا خطاب
کڑپہ ۔ آل انڈیا مسلم پرسنل لاء بورڈ کی اصلاح معاشرہ کمیٹی کی زیر نگرانی آن لائین میٹنگوں کے توسط سے ہندوستان کے ہمہ مسلکی علمائے کرام کی جانب سے نکاح کو آسان کرنے کے متعلق مہم چلائی جارہی ہے ۔ لہذا تمام ذمہ داران علماء ائمہ کمیٹی کڑپہ کی جانب سے اس مہم کی تائید کرتے ہوئے یہ وضاحت کی جاتی ہے کہ نکاح انسان کی معاشرتی ضرورت ہے اور ساتھ ہی ساتھ نکاح ایک عبادت بھی ہے ۔ نکاح کرنا پیغمبروں اور خصوصا ہمارے آقا حصرت محمد مصطفیﷺ کی سنت ہے ۔ پس نکاح کو عبادت ہی کے طرز پر انجام دیں ۔ فضول خرچیوں اور نت نئے رسم و رواج سے نکاح کو پاک رکھیں ۔ آج ہمارے معاشرے میں اس بات کی سخت ضرورت ہے کہ نکاح کو آسان اور مسنون طرز پر کرنے کی اس مہم کو آگے بڑھایا جائے اور تمام مسلمانوں اور خصوصاً نوجوان میں اس کی تئیں شعور بیدار کیا جائے ۔ ان خیالات کا اظہار مولانا مفتی محمد علی بغدادی صدر علماء ائمہ کمیٹی نے کیا ۔ اس موقع پر نکاح کو آسان کرنے کی خصوصی مہم کے ضمن میں اجلاس ہوا ۔ اس موقع پر ہمہ مسلکی علماء و مشائخین و قاضی صاحبان دیگر موجود تھے