حیدرآباد ۔ 20 ۔ نومبر : ( سیاست نیوز) : نہرو زوالوجیکل پارک نے سفید ہنسوں کے ایک جوڑے کو عوامی نمائش کیلئے چھوڑا ہے ۔ 2010 سے چڑیا گھر میں جانوروں کو پسند کرنے والے اور باقاعدہ جانوروں کو گود دلینے والے این ایس رام جی نے والدین کی جانب سے سفید ہنس کو عطیہ کیا ۔ چیف کنزرویٹر آف فاریسٹ ( وائلڈ لائف ) اور چیف وائلڈ لائف وارڈن ایلوسنگ میرو جنہوں نے ہنسوں کو انکلوژر میں چھوڑا کہا کہ چڑیا گھر ملک میں ایک علمبردار ہے جس میں بڑی تعداد میں جانور عوامی مشاہدہ کیلئے رکھے گئے ہیں ۔ اس نئے اضافے کے ساتھ چڑیا گھر میں اس وقت 199 پرجاتیوں اور 2000 سے زیادہ جاندار رہائش پذیر ہیں ۔ تلنگانہ زو پارکس کے ڈائرکٹر ڈاکٹر سنیل ایس ہیرمتھ ، کیوریٹر جے وسنتا ، ڈپٹی ڈائرکٹر ( ویٹرنری ) ڈاکٹر محمد عبدالحکیم و دیگر عہدیدار موجود تھے ۔۔ ش
