ممبئی، 20مئی (یو این آئی)ممبئی پولیس کے سائبر سیل نے دہیسر سے تعلق رکھنے والے ایک شخص کو 67 لاکھ روپئے کے سائبر فراڈ کے معاملے میں گرفتار کر لیا ہے ، جس میں دو بزرگ بہنیں متاثر ہوئی ہیں۔ گرفتار ملزم کی شناخت موہت آکاش بھوجراج کے طور پر ہوئی ہے ، جو حکام کے مطابق بنگلور، کرناٹک کے رہائشی محمد شیخ کے مسلسل رابطے میں تھا، جو اس کیس کا ماسٹر مائنڈ ہے اور فی الحال مفرور ہے ۔ موہت نے شیخ کو 19 بینک کھاتوں تک رسائی فراہم کی تھی، جن کا استعمال فراڈ سے حاصل شدہ رقوم کی منتقلی کے لیے کیا گیا۔
