حیدرآباد۔ سائبر آباد پولیس کمشنریٹ حدود میں لاک ڈاؤن کے دوران 12 مئی تا 29 مئی 58050 مقدمات درج کئے گئے۔ صبح 10بجے تا صبح 6 بجے کے دوران جملہ56352 مقدمات درج کئے گئے جبکہ آج ایک ہی دن 956 مقدمات درج کرتے ہوئے 28 فور وہیلرس، 3 تھری وہیلرس اور 36 موٹر سائیکلوں کو ضبط کیا گیا۔ پولیس سائبرآباد نے ماسک کا استعمال نہ کرنے اور ماسک کا صحیح طریقہ سے استعمال نہ کرنے والوں کے خلاف 20140 مقدمات ، سماجی فاصلہ برقرار نہ رکھنے والوں کے خلاف 1914 ، کثیر تعداد میں مجموع کے خلاف 791 جبکہ عوامی مقامات پر تمباکو اور شراب نوشی کرنے والوں کے خلاف 440 مقدمات درج کرتے ہوئے 15812 گاڑیوں کو ضبط کیا گیا۔
