نرمل میں منعقدہ پروگرام سے ڈی ای او ر ویندر ریڈی کا خطاب
نرمل ۔ 23 فروری (سیاست ڈسٹرکٹ نیوز) فورم آف فزیکل سائنس ٹیچرس، تلنگانہ بیالوجیکل سائنس فورم اور محکمہ تعلیم ضلع نرمل کے زیراہتمام ضلعی سطح کا سائنس ٹیالنٹ ٹسٹ بمقام جے وی ین آر ہائی اسکول شانتی نگر میں منعقد کیا گیا۔اس تقریب کی صدارت مہمان خصوصی، اے رویندر ریڈی ڈسٹرکٹ ایجوکیشنل آفیسر ضلع نرمل نے کی۔جبکہ مہمانان اعزازی کی حیثیت سے پدما اسسٹنٹ کمشنر اف گورنمنٹ ایگزامنیشن، ونود کمار ضلع سائنس آفیسر، سری دیوی سکٹورل افیسر، رمیش، سرینیواس، انصار احمد ساحل اور امتیاز احمد نے شرکت کی۔اس موقع پر اے رویندر ریڈی ڈی ای او نے اپنے خطاب میں کہا کہ سائنس ٹیالنٹ ٹسٹ کے انعقاد کا مقصد طلباء و طالبات اپنے اندر سائنٹفک مزاج کو پروان چڑھائیں اور مخفی صلاحیتوں کو اْجاگر کریں۔انہوں نے کہا کہ اس طرز کے امتحانات سے طلبہ میں خود اعتمادی میں اضافہ ہوگا اور مسابقتی جذبہ کو فروغ حاصل ہوگا۔ اے رویندر ریڈی نے ٹسٹ میں نمایاں مظاہرہ کرنے والے طلباء و طالبات کو مبارکباد پیش کی اور اپنی نیک تمناؤں کا اظہار کیا۔ انصار احمد ساحل نے اپنے خطاب میں کہا کہ اے رویندر ریڈی ڈی ای او کی حرکیاتی قیادت کے نتیجے میں جماعت دہم کے نتائج میں ضلع نرمل کو ریاستی سطح پر سر فہرست مقام حاصل ہوا ہے۔ انہوں نے طلباء کو سخت محنت و دلچسپی سے تعلیم حاصل کرتے ہوئے امتحانات میں نمایاں مظاہرہ کریں۔ اس موقع پر ٹسٹ میں شاندار کارکردگی پر،تلگو اور انگلش میڈیم کے جماعت ہشتم اورنہم کے طلباء و طالبات کو ڈی ای او کے ہاتھوں مومنٹو،توصیف نامہ عطا کیا گیا۔جن میں قابل ذکر اردومیڈیم زمرہ میں ضلعی سطح پر انعام اول امتوالنور مصفرہ افروز متعلم گورنمنٹ ہائی اسکول اسری کالونی نرمل، انعام دوم عائشہ بیگم و انعام سوم سمرن متعلم گورنمنت ہائی اسکول بوائز نرمل ہیں۔اس تقریب میں اساتذہ محمد رفیق،عالیہ سلطانہ، رانا ناز،فہیم بیگم اور انجم سلطانہ موجود تھے۔
