سیول: جنوبی کوریا کی سْپر کنڈکٹنگ فیوڑن ڈیوائس KSTAR جسے مصنوعی سورج بھی کہا جاتا ہے، کو اپ گریڈ کردیا گیا ہے جو اسے زیادہ دیر تک فعال رکھے گا۔میڈیا رپورٹس کے مطابق جنوبی کوریا کی انسٹی ٹیوٹ آف فیوڑن انرجی نے اپنے بیان میں کہا ہے کہ سْپر کنڈکٹنگ فیوڑن ڈیوائس کے ساتھ ایک نیا tungsten diverter نصب کیا گیا ہے جس سے اب وہ 30 سیکنڈ تک 100 ملین ڈگری سیلسیس سے زیادہ درجہ حرارت پر کام کرے گا۔انسٹی ٹیوٹ کے صدر ڈاکٹر سْک جائے یو کا کہنا تھا کہ یہ نئی صلاحیت جوہری فیوڑن کی توانائی کو تجارتی مقاصد میں استعمال کرنے کا باعث بنے گی۔ ادارے نے یہ بھی بتایا کہ ہم آئی ٹی ای آر کے ساتھ جوہری فیوڑن توانائی کی ترقی کو تیز کرنے کے لیے مشترکہ کوششوں کی قیادت کررہے ہیں۔