واشنگٹن :امریکہ کے سابق صدر ڈونالڈ ٹرمپ نے جوتوں کا اپنا برانڈ متعارف کرا دیا۔ غیرملکی میڈیا کے مطابق اپنی ایک کمپنی کی جانب سے متعارف کروائے گئے ان جوتوں کو سابق امریکی صدر نے ’دی گریٹیسٹ اسنیکرز شو آن ارتھ‘ قرار دیا ہے۔ رپورٹس کے مطابق ان جوتوں کی قیمت 399 ڈالر ہے اور یہ ویب سائٹ کے ذریعہ فروخت کیے جا رہے ہیں۔ امریکی میڈیا کے مطابق فلاڈلفیا کے کنونشن سینٹر میں ڈونالڈ ٹرمپ نے سنہرے جوتوں کی جوڑی متعارف کرائی جن پر امریکی پرچم کی تفصیل بھی درج ہے۔ واضح رہے کہ گزشتہ روز سیول فراڈ کیس میں نیویارک کی عدالت نے ڈونالڈ ٹرمپ کو 35 کروڑ 50 لاکھ ڈالر جرمانے کی سزا سنائی تھی۔