یلاریڈی ۔ یلاریڈی ڈیویژن کے منڈل سداشیونگر مستقر پر کورونا وبا کی دوسری لہر کے تیزی پر چھوٹا لاک ڈاؤن لگانے کا سرپنچ سرینواس ریڈی نے فیصلہ کیا ہے ۔ انہوں نے مزید بتایا کہ تمام تجارتی ادارے صبح سے شام پانچ بجے تک ہی کھلے رکھنے کی اجازت ہوگی ۔ کوویڈ پابندی کے خلاف ورزی پر دو ہزار روپئے کا جرمانہ عائد کرنے کا انتباہ دیا اور ماسک نہ لگانے والوں پر ایک ہزار روپئے جرمانہ لگانے کا فیصلہ کیا ۔ کورونا کے بڑھتے واقعات سے سخت قدم اٹھانے پر مقامی نمائندے مجبور نظر آرہے ہیں ۔ عوام کو ضروری احتیاط پر عمل آوری کرنا شدید ضروری ہے ۔
یلاریڈی ماڈل اسکول میں داخلوں کیلئے درخواستیں مطلوب
یلاریڈی ۔ مستقر کے ماڈل اسکول میں تعلیمی سال 2021-22 کیلئے چھٹویں جماعت میں داخلوں کیلئے درخواستیں مطلوب ہیں ۔ کے کے اسکول پرنسپال سائی بابا نے اپنے ایک صحافتی بیان میں بتایا کہ چھٹویں جماعت میں داخلہ کیلئے 15 اپریلتا 30 اپریل تک اور ساتویں جماعت تا دسویں جماعت میں داخلوں کیلئے 20 اپریل تا 30 اپریل تک آن لائین درخواستیں داخل کرسکتے ہیں ۔