پٹنہ، 30 اکتوبر (یو این آئی) مرکزی وزیر داخلہ اور سینئر بی جے پی لیڈر امیت شاہ نے جمعرات کے روز کہا کہ ’’ایک بھارت شریشٹھ بھارت‘‘ مشن کے تحت اب سے ہر سال 31اکتوبر کو مرد آہن سردار ولبھ بھائی پٹیل کی 150ویں جینتی کے موقع پر ایکتا نگر، گجرات میں شاندار پریڈ کا انعقاد کیا جائے گا جس میں وزیر اعظم نریندر مودی شرکت کریں گے۔ امیت شاہ نے آج پٹنہ میں پریس کانفرنس میں بتایا کہ سردار پٹیل کے یوم پیدائش کے موقع پر گجرات کے ایکتا نگر کی کیواڈیا کالونی میں منعقد ہونے والی پریڈ میں سنٹرل ریزرو پولیس فورس اور بارڈر سکیورٹی فورس (بی ایس ایف) کے اہلکار شامل ہوں گے اور متعدد ریاستوں کے پولیس اہلکار بھی شامل ہوں گے نیز مختلف ثقافتی پروگرام منعقد کیے جائیں گے۔
