حیدرآباد دوسری اننگز میں 302 آل آؤٹ، کپتان سراج نے 32 رنز بنائے۔ سرفراز کو میچ ایوارڈ
حیدرآباد، 25جنوری (یو این آئی) سرفراز خان (227)اور کپتان سدھیش لاڈ (104) کی شاندار سنچریوں کے بعد مشیر خان (5/79) اور موہت اوستھی (3/47) کی تباہ کن گیندبازی کی بدولت ممبئی نے رنجی ٹرافی کے ایلیٹ گروپ ڈی مقابلے میں حیدرآباد کو 9 وکٹ سے شکست دے دی۔ سرفراز خان کو مین آف دی میچ ایوارڈ دیا گیا۔ آج یہاں حیدرآباد نے فالوآن کی اپنی دوسری اننگز کا آغاز کل کی نامکمل اننگز 166/7 سے کیا۔ صبح کے سیشن میں مشیر خان نے نتن سائی یادو (32) کو آؤٹ کر کے ممبئی کو آٹھویں کامیابی دلائی۔ بعد ازاں کپتان محمد سراج نے ذمہ دارانہ بیٹنگ کرتے ہوئے اسکور کو 296 تک پہنچایا۔ سراج (32)کو 67ویں اوور میں اونکار ترمالے نے بولڈ کر دیا۔ سراج اور چیما ملند کے درمیان نویں وکٹ کیلئے 61 رن کی شراکت ہوئی۔ 70ویں اوور میں مشیر خان نے سنچری کی جانب بڑھ رہے چیما (85) کو آؤٹ کر کے حیدرآباد کی دوسری اننگز کا خاتمہ 302 رن پر کر دیا۔ مشیر نے میچ میں جملہ 6 وکٹیں حاصل کئے۔ ممبئی نے پہلی اننگز میں 560 اسکور کرنے کے بعد حیدرآباد کو جوابی اننگز میں 267 پر آل آؤٹ کیا تھا۔ اس طرح ممبئی کو جیت کیلئے محض 10 رن کا ٹارگٹ ملا۔ ممبئی نے دوسری اننگز میں 3.2 اوور میں 12/1 بنا کر مقابلہ جیت لیا۔