حیدرآباد 20نومبر(یواین آئی) صدر جمہوریہ کی سرمائی چھٹیاں حیدرآباد میں منانے کی کئی دہائیوں سے جاری روایت کے تحت موجودہ صدرجمہوریہ دروپدی مرمو، دسمبر کے دوسرے ہفتہ میں حیدرآباد پہنچیں گی ۔ بلارم میں واقع راشٹرپتی نیلائم میں ایک ہفتہ قیام کریں گی۔تلنگانہ حکومت کو راشٹرپتی بھون، نئی دہلی سے موصولہ عارضی شیڈول کے مطابق صدرجمہوریہ کا قیام ایک ہفتہ تک رہے گا۔ جی اے ڈی ذرائع کے مطابق صدرِ جمہوریہ کے دورہ کے انتظامات کا جائزہ لینے تمام متعلقہ محکموں کے ساتھ جلد اجلاس منعقد کیا جائے گا ۔
