حیدرآباد 20 نومبر ( یو این آئی) آندھراپردیش انکاونٹرمیں ہلاک ماؤنواز مرکزی کمیٹی کے رکن ہڈما کی لاش پوسٹ مارٹم کے بعد چھتیس گڑھ منتقل کر دی گئی۔ لاش کا پوسٹ مارٹم رمپا چوڑاورم ایریا اسپتال میں مکمل ہوا جس کے بعد ہڈما اور اس کی اہلیہ راجکا کی لاشیں ارکان خاندان کے حوالے کی گئیں۔ ہڈما کا آبائی موضع چھتیس گڑھ کے سکما ضلع کا پووارتی گاؤں ہے ۔ ہڈما کے بھائی اور دیگر دونوں کی لاشوں کو لے کر روانہ ہوئے ۔ ماریڈومیلی کے قریب دو روز تک جاری رہے انکاؤنٹر میں ہلاک ہونے والے جملہ13 ماؤنوازوں کی لاشوں کا پوسٹ مارٹم ابھی بھی جاری ہے۔
