سرینگر: جموں وکشمیر کے لیفٹیننٹ گورنر منوج سنہا کا کہنا ہے کہ اسمارٹ سٹی پراجکٹ کے تحت تیار ہو رہے سرینگر کے بازار بھی دہلی، چندی گڑھ اور دیگر شہروں کی طرح نظر آئیں گے۔ انہوں نے کہا کہ لوگ سری نگر میں ہوتے ہوئے ایسا محسوس کریں گے کہ جیسے وہ ممبی یا دہلی میں ہیں۔موصوف لیفٹیننٹ گورنر نے ان باتوں کا اظہار جمعہ کے روز پولو ویو مارکیٹ کا افتتاح کرنے کے بعد نامہ نگاروں کے ساتھ بات کرنے کے دوران کیا۔انہوں نے کہاکہ اسمارٹ سٹی پروجیکٹ کے تحت لالچوک اور پرانے شہر میں بھی کئی ایسے بازار تیار کئے جا رہے ہیں’۔ان کا کہنا تھاکہ سرینگر بھی دہلی، چندی گڑھ اور دیگر شہروں کی طرح نظر آئے اس طرح کی کوششیں کی جا رہی ہیں’۔منوج سنہا نے کہا کہ لوگ سری نگر میں ہوتے ہوئے ایسا محسوس کریں گے جیسے وہ ممبی یا دہلی میں ہیں۔