ریاض : سعودی عرب کے ایک اخبار الوطن میں شائع ہونے والی ایک رپورٹ کے مطابق 2020 کی دوسری ششماہی میں سعودی خواتین ملازمین کی اوسطً ماہانہ تنخواہوں میں مرد ملازمین کے مقابلے میں زیادہ اضافہ ہوا۔رپورٹ کے مطابق2020 کی دوسری ششماہی میں مرد ملازمین کی ماہانہ تنخواہ 3 ہزار 944 سعودی ریال جبکہ خواتین ملازمین کی ماہانہ تنخواہ4 ہزار 105 سعودی ریال پہنچ گئی اور خواتین کی ماہانہ تنخواہ میں یہ اضافہ پہلی بار رجسٹرڈ ہوا۔یہ رپورٹ ہیومن ریسورسز اور سوشل ڈیولپمنٹ کی وزارت ، سوشل انشورنس کی جنرل تنظیم
(GOSI) ،
اور ہیومن ریسورس ڈویلپمنٹ فنڈ
(HADAF)
کی نیشنل لیبر آبزرویٹری کے اعداد و شمار پر مبنی تھی۔رپورٹ کے مطابق ،اس سے قبل نئے بھرتی ہونے والے سعودی مرد وخواتین ملازمین کی اوسط ماہانہ تنخواہوں میں 2020 کی پہلی ششماہی کے اختتام پر تقریباً 231 سعودی ریال کا معمولی فرق ریکارڈ کیا گیا تھا ،مردوں کی اوسط تنخواہ 4 ہزار 539 جبکہ خواتین کی تنخواہ 4 ہزار 308 سعودی ریال تھی۔