ریاض : سعودی عرب میں آڈیو ویڑول میڈیا کے جنرل کمیشن نے میڈیا کی کچھ خلاف ورزیوں کی تفصیلات کا انکشاف کیا ہے۔ ان تفصیلات میں بتایا گیا کہ ان خلاف ورزیوں میں کھیلوں کے جنون کو ہوا دینا اور نازیبا زبان استعمال کرنا شامل ہے۔ خلاف ورزی کرنے والوں کیخلاف کارروائی کی گئی۔ اسنیپ چیٹ ویڈیوز بنانے والے ایک شہری اور ایک اناؤنسر پر 7 لاکھ 10 ہزار ریال جرمانہ عائد کردیا گیا۔جن افراد کو سمن جاری کیا گیاان میں “Snapchat” پلیٹ فارم پر مواد بنانے والوں میں سے ایک شخص بھی شامل تھا۔۔ اس نے میڈیا کے ضوابط کی واضح خلاف ورزی کرتے ہوئے میڈیا مواد اور عوامی شائستگی کے کنٹرول کی خلاف ورزی کرنے والا مواد شائع کیا۔اتھارٹی نے سوشل میڈیا پر 4 مواد بنانے والوں کو بھی طلب کیا جنہوں نے ٹویٹر کے ذریعہ ضوابط کی خلاف ورزی پر مبنی مواد شائع کیا۔ ان کے مواد نے کھیلوں کے جنون کو ہوا دی اور سعودی لیگ پر مبنی حکام کی سالمیت پر سوال اٹھایا۔ اتھارٹی نے ایک ٹی وی پروگرام براڈکاسٹر کے خلاف کھیلوں کے جنون کو ہوا دینے کی خلاف ورزی کی بھی نگرانی کی اور اسے 50 ہزار ریال جرمانہ عائد کردیا۔
