ریاض :سعودی ریلوے کمپنی ’سار‘ نے کہا ہے کہ سعودی عرب اکتوبر 2023 کے آخر میں ہائیڈروجن ٹرین کا پہلا تجربہ کرے گا۔ الاقتصادیہ اورعکاظ کے مطابق سار نے یہ اعلان فرانسیسی کمپنی کے ساتھ معاہدے پر دستخط کے بعد کیا ہے۔ معاہدے کے تحت فریقین ہائیڈروجن ٹرین کو سعودی عرب کے موسمی حالات کے مطابق بنانے کے حوالے سے ضروری مطالعات اور آپریشنل تجربات کریں گے۔ سعودی عرب اور فرانس نے 20 جنوری 2022 کو اس حوالے سے مفاہمتی یادداشت کی تھی اسے موثر کرنے کا فیصلہ کیا گیا ہے۔ سار کا کہنا ہے ماہ رواں اکتوبر کے دوران ہائیڈروجن ٹرین کا پہلا تجربہ کیا جائے گا۔ مشرق وسطی اور شمالی افریقہ میں پہلی بار سعودی عرب میں ہائیڈروجن ٹرین چلائی جائے گی۔
