ریاض: کہتے ہیں کہ علم کے حصول کے لیے عمر کی کوئی قید نہیں۔ سعودی عرب کی ھدیٰ العبیدہ نے اس کہاوت کو سچ کر دکھاتے ہوئے تعلیم چھوڑنے کے 40 سال کے بعد 63 سال کی عمرمیں گریجویشن کی ڈگری حاصل کرنے کا خواب پورا کیا ہے۔مطالعاتی سفر کی تفصیلات کے بارے میں العبیدہ نے ’العربیہ ڈاٹ نیٹ ‘ کو بتایا کہ یونیورسٹی سے میری گریجویشن کی کہانی پڑھائی سے 40 سال کے وقفے کے بعد ایک مشکل سفر تھا۔، خاص طور پر تیاری کے سال میں کافی مشکل پیش آئی کیونکہ انگریزی مضمون کی تیاری کافی مشکل تھی۔ لیکن میں نے کامل مستعدی، محنت اور استقامت کے ساتھ کوشش جاری رکھی۔ آخر کار میں نے اپنے مشن میں کامیاب رہی اور میں نے نمایاں نمبروں کے ساتھ گریجویشن کا امتحان پاس کرلیا‘‘۔ھدیٰ نے گریجویشن کا امتحان پاس کرنے کی راہ میں حائل رکاوٹوں کا ذکر کرتے ہوئے کہا کہ ’ایک ماں ہونے کے ناطے، یونیورسٹی میں بچوں کا ہونا اور بہت سی گھریلو ذمہ داریاں، وقتاً فوقتاً میل ملاقاتیں، خاندانی اور سماجی تقریبات کے علاوہ کئی دوسری رکاوٹیں بھی سامنے آئیں۔ تاہم میں نے استقامت اور محنت کیساتھ ان پر قابو پالیا۔
