جدہ۔ بیڈمنٹن ، بیرون ملک میں مقیم ہندوستانیوں کی بہت سی نوجوان نسلوں کے لیے ایک پرکشش کھیل بنتا جا رہا ہے اور جب بات سعودی عرب کی ہو، تو ہندوستانی طلباء مقامی سعودی اسپورٹس حکام کے تعاون سے بیڈمنٹن میں ایک نیا ریکارڈ قائم کر رہے ہیں۔محمد عامر، انٹرنیشنل انڈین اسکول، ریاض کے ایک نوجوان حیدرآبادی طالب علم نے سعودی عرب کی نمائندگی کی اور فرانس میں حال ہی میں منعقدہ بین الاقوامی جونیئر بیڈمنٹن چمپئن شپ میں سعودی عرب کی جانب سے کھیلا۔ عامر ان چار کھلاڑیوں میں شامل تھے جنہوں نے سینٹ لوئس میں منعقدہ یونیکس بارڈر انٹرنیشنل انڈر 19 کپ کے نام سے مشہور ٹورنمنٹ میں سعودی عرب کی نمائندگی کی، جو فرانس، جرمن اور سوئٹزرلینڈ کی سرحدوں پر واقع ہے۔ سعودی عرب میں پیدا ہونے والے 14 سالہ عامر کو بچپن سے ہی بیڈمنٹن کا شوق ہے۔ محمد عامر کی طرح ان کی بہن ماہین عاصم جنہوں نے ریاض میں اپنی اسکول کی تعلیم مکمل کی، اب حیدرآباد میں انڈر گریجویشن کر رہی ہے، وہ بھی اس کھیل سے محبت کرنے والی ہے۔بہن بھائی دونوں نے قطر، بحرین اور متحدہ عرب امارات میں ہونے والے کچھ علاقائی ٹورنمنٹس میں حصہ لیا۔
