ریاض: عرب میڈیا کے مطابق سعودی غوطہ خور جوڑے حسن ابو العلا اور یاسمین دفتر دار نے بحیرہ احمر میں سمندر کی گہرائی میں اپنی منگنی کی رسم ادا کی۔جوڑے نے منگنی کو یادگار اور منفرد بنانے کے مقصد سے اس جوڑے نے ایک زیرآب پلیٹ فارم پر ایک دوسرے کو انگوٹھیاں پہنائیں ۔ رپورٹ کے مطابق اس موقع پر ان کے دوستوں نے عرب روایات کے مطابق مخصوص انداز میں خوشی کا اظہار کیا۔سعودی جوڑے کی منفرد انداز میں منگنی کی ایک ویڈیو سوشل میڈیا پلیٹ فارمس پر وائرل ہوگئی ہے اور اس پر ملے جلے ردعمل کا اظہار کیا جا رہا ہے۔ خیال رہے کہ ماضی میںبھی کئی جوڑوں نے سمندر کی گہرائی میں جاکر منگنی کی رسم ادا کی ہے۔
