ممبئی: نومبر 2024 جنس تبدیل کروا کر لڑکے سے لڑکی بننے والی سابق ٹسٹ کرکٹر اور آئی پی ایل کوچ سنجے بانگر کی بیٹی انایا نے انکشافات کا پٹارہ کھول دیا ہے۔ فوٹو اینڈ ویڈیو شیئرنگ ایپ انسٹاگرام پر سنجے کی بیٹی انایا (سابقہ نام: آریان) نے دعویٰ کیا ہے کہ کئی کرکٹرز نے اسے جنس تبدیلی کے بعد اپنی نامناسب تصاویر بھیجے تھے۔ انایا کا کہنا ہے کہ میں 8-9 سال کی عمر سے محسوس کرتی تھی کہ میں لڑکی ہوں، ماں کے کپڑے پہن کر آئینے میں خود کو دیکھتی تھی لیکن اپنے والد انڈین کرکٹر اور کوچ ہونے کی وجہ سے اپنی شناخت چھپانی پڑی۔انایا بانگر نے ہراسانی کے واقعات کا انکشاف کرتے ہوئے بتایا کہ کچھ کرکٹرز نے مجھے اپنی نامناسب تصاویر بھیجے، ایک فرد نے مجھے سرِعام گالیاں دیں اور پھر میری تصاویر مانگیں جبکہ ایک سینئر کرکٹر نے بھی نازیبا حرکت کی کوشش کی تھی۔ انایا بانگر اپنی جنس تبدیل کروانے سے قبل مشیر خان، سرفراز خان، یشسوی جیسوال جیسے کرکٹرز کیساتھ بھی کھیل چکی ہیں۔ دوسری جانب انٹرنیشنل کرکٹ کونسل (آئی سی سی) نے 2023 میں خواتین کی کرکٹ میں جنس تبدیل کرکے آنے والے پلئیرز کیخلاف سخت ایکشن لیا تھا اور ان پر پابندی عائد کردی تھی۔ 22 سال تک ایک لڑکے کی حیثیت سے پلنے بڑھنے اور تعلیم حاصل کرنے والے آریان نے 2023 میں ہارمون تھراپی کروانا شروع کی اور 11 ماہ بعد ٹرانس جنڈر لڑکی بن گئی۔
