نئی دہلی۔ ہندوستانی بیڈمنٹن کھلاڑی پی وی سندھو نے چہارشنبہکو بالی میں انڈونیشیا اوپن 2021 میں خواتین کے سنگلزکے پہلے راؤنڈ میں جاپان کی آیا اوہوری کو 17-21، 21-17، 21-17 سے شکست دے کر آگے بڑھی۔دوسرے راؤنڈ میں سندھو کا مقابلہ جرمنی کی یوون لی سے ہوگا، جنہوں نے ترکی کے شٹلر نیسلیہان یگٹ کو 19-21، 23-21، 21-13 سے شکست دی۔سندھو کو اس مقابلے میں کامیابی کیلئے کافی جدوجہد کرنی پڑی کیونکہ حریف کھلاڑی نے جارحانہ آغاز کرتے ہوئے پہلی گیم اپنے نام کی تھی ۔
