نئی دہلی: عام آدمی پارٹی (عآپ ) نے منگل کو وزیر اعلی اروند کجریوال کی رہائش گاہ پر پارٹی کی راجیہ سبھا کی رکن سواتی مالیوال کے ساتھ بدسلوکی کی مذمت کرتے ہوئے کہا کہ وزیر اعلیٰ نے اسے سنجیدگی سے لیا ہے ۔عآپ کے سینئر لیڈر سنجے سنگھ نے کہا کہ مالیوال کجریوال سے ملنے کل صبح وزیر اعلیٰ کی رہائش گاہ پر پہنچی تھیں۔ جب وہ ڈرائنگ روم میں انتظار کر رہی تھیں، تبھی وزیراعلی کے پرسنل اسسٹنٹ (پی اے ) ویبھو کمار نے ان کے ساتھ بدتمیزی کی۔ سنگھ نے بتایا کہ مالیوال نے 102 نمبر پر کال کرکے پولیس کو اس پورے معاملے کی اطلاع دی۔ اس واقعہ کی جتنی مذمت کی جائے کم ہے ۔ انہوں نے کہا کہ کجریوال نے پورے واقعہ کا نوٹس لیا ہے۔
