مہاراشٹرا: مہاراشٹر کے دارالحکومت ممبئی میں مقیم 27 سالہ آنوی کامدار پیشہ سے چارٹرڈ اکاؤنٹنٹ اور سوشل میڈیا انفلوئنسر تھیں جو اپنے انسٹاگرام ہینڈل پر سفر کی ویڈیوز اور تجربات شیئر کرتی تھیں۔‘ٹریولنگ ریلز اور وی لاگز’ سے شہرت حاصل کرنے والی آنوی نے 16 جولائی کو اپنے سات دوستوں کے ہمراہ مون سون سیریز کے سفر کا آغاز کیا تھا۔اس سفر کے دوران آنوی جیسے ہی مہاراشٹر کے مشہور کمبھے آبشار پہنچیں تو وہاں اْن کے ساتھ انتہائی افسوسناک واقعہ پیش آیا جس میں انفلوئنسر اپنی جان کی بازی ہار گئی۔ آنوی کمبھے آبشار پر پہنچ کر اپنے انسٹاگرام ہینڈل کے لیے مانسون سفر کی ویڈیو ریکارڈ کررہی تھیں کہ اچانک اْن کا پاؤں پھسل گیا اور وہ تقریباَ 300 سے 350 فْٹ گہری کھائی میں جا گریں۔مقامی حکام نے ہنگامی طور پر ریسکیو ٹیم کو جائے وقوعہ پر بھیجا جس کے بعد آنوی کو کھائی سے نکالنے کے لیے آپریشن شروع ہوا، شدید بارش اور پھسلن کی وجہ سے یہ آپریشن 6 گھنٹے تک جاری رہا۔ریسکیو ٹیم نے 6 گھنٹے تک کوشش جاری رکھنے کے بعد آنوی کو زندہ حالت میں کھائی سے نکال لیا تھا لیکن اونچائی سے گِرنے کی وجہ سے وہ شدید زخمی ہوگئی تھی۔ آنوی کو جیسے ہی اسپتال منتقل کیا گیا تو وہ زخموں کی تاب نہ لاتے ہوئے دم توڑ گئی۔ انسٹاگرام فالوورز کی تعداد دو لاکھ 58 ہزار ہے۔
