انقرہ : وزیر خارجہ چاوش اولو نے کہا کہ انہوں نے سویڈن اور فن لینڈ کی جانب سے ناٹوکی رکنیت کے لیے ترکی کو بھیجی گئی دستاویزات توقعات سے بہت دور ہونے سے آگاہ کردہا ہے۔میولود چاوش اولو نے ناروے کے وزیر خارجہ اور آئرش وزیر خارجہ اور دفاع سائمن کے ساتھ ملاقات کے بعد منعقدہ مشترکہ پریس کانفرنس سے خطاب کیا۔ترکی کے کب تک سویڈن اور فن لینڈ کی ناٹوکی رکنیت کی مخالفت جاری رکھنے سے متعلق سوال کا جواب دیتے ہوئے چاوش اولو نے کہا کہ یہ ان دونوں ممالک کے ترکی کو جواب دینے پر منحصر ہے۔ چاوش اولو نے کہا کہ ترکی نے اس مسئلے پر اپنی توقعات اور خدشات ناٹواور سویڈن اور فن لینڈ دونوں کو واضح اور تحریری انداز میں آگاہ کردیا ہے۔انہوں نے کہا کہ ترکی ان ممالک میں سے ایک ہے جو ناٹوکی کھلے دروازے کی پالیسی کی بھرپور حمایت کرتا ہے۔انہوں نے کہااب، ہمیں ایک معاہدے پر آنے کی ضرورت ہے کہ یہ دونوں ممالک ہماری توقعات پر کب اور کیسے پورا اتریں گے۔
