اسٹاکہوم : سویڈن میں اریٹیرین ثقافتی میلے میں اریٹیرین مخالفین کے حملے کے نتیجے میں 52 افراد زخمی ہوگئے ہیں۔سویڈش اخبار ایکسپریسن کے مطابق مشرقی افریقی ملک اریٹیریا کے خلاف ہزاروں مظاہرین نے فیسٹیول کے علاقے میں اسٹینڈز اور گاڑیوں کو آگ لگا دی۔ واقعات کے دوران کم از کم 52 افراد زخمی ہوگئے ہیں۔وزیر انصاف گونر سٹرومر نے کہا ہے کہ اگر آپ تشدد سے بچنے کے لیے یا عبوری عرصہ کیلئے سویڈن آئے ہیں تو آپ کو یہاں پر تشدد سے گریز کرنے کی ضرورت ہے۔ سویڈن کیلئے اس طرح دوسرے ممالک کے درمیان تنازعات میں گھسیٹا جانا کوئی معنی نہیں رکھتا۔اس واقعے میں ملوث 100 سے زائد مظاہرین کو حراست میں لے لیا گیا جبکہ واقعات کی تحقیقات کا آغاز کر دیا گیا۔یہ فیسٹول جس میں سویڈن میں رہنے والے ہزاروں اریٹیرین باشندے شرکت کرتے ہیں، 1990 کی دہائی سے ہر سال منعقد کیا جاتا ہے۔
