نئی دہلی : وریندر سہواگ اکثر سوشل میڈیا پر ایسی باتیں کرتے ہیں جو سرخیوں میں بن جاتے ہیں اور ایک بار پھر اس لیجنڈ نے کچھ ایسا ہی کیا ہے۔ سہواگ نے آئی پی ایل 2025 سے متعلق ایک شو میں رائل چیلنجرز بنگلور کو غریب کہا۔ویریندر سہواگ نے لائیو شو میں آر سی بی کا مذاق اڑایا اور اس کا موازنہ غریبوں سے کیا۔ سہواگ نے ایک شو میں کہا کہ آر سی بی غریب ہے، انہیں کچھ وقت پوائنٹس ٹیبل پر سب سے اوپر رہنے دیں۔ وریندر سہواگ نے کرک بز شو میں کہا، غریبوں کو بھی جینے دو، وہ تھوڑی دیرکے لیے فوٹو لے سکتے ہیں، کوئی نہیں جانتا کہ غریب لوگ کب تک اوپر رہیں گے۔ سہواگ نے یہ بات آئی پی ایل 2025 کے پوائنٹس ٹیبل پر تبصرہ کرتے ہوئے کہی، اس کے بعد سہواگ نے کہا، کیا آپ کو لگتا ہے کہ میں پیسے کی بات کر رہا تھا؟ نہیں یہ تمام ٹیمیں بہت امیر ہیں۔ ہر ٹیم ایک سیزن میں400-500 کروڑ روپے کماتی ہے۔ میں اس کے بارے میں بات نہیں کر رہا ہوں۔ میں یہاں ایک بھی ٹرافی نہ جیتنے کی بات کر رہا ہوں۔ اس لیے میں آر سی بی کو غریب کہہ رہا ہوں۔
