جکارتہ :/6 جنوری (ایجنسیز) انڈونیشیا کے صوبہ شمالی سولاویسی میں شدید بارشوں کے بعد سیلابی ریلے میں بہہ کر 14 افراد لقمہ اجل بن گئے، 18 زخمی اور 4 لاپتا ہوگئے۔ بین الاقوامی خبر رساں ادارے کی رپورٹ کے مطابق شدید بارشوں کے بعد شدید سیلابی صورتحال کا سامنا ہے، جبکہ لاپتہ افراد کی تلاش کا کام جاری ہے۔ رپورٹس کے مطابق گورنر شمالی سولاویسی کا اس حوالے سے کہنا ہے کہ سیلاب سے سیکڑوں مکانات اور سرکاری عمارتیں بھی تباہ ہوگئی ہیں۔ اب تک 444 افراد کو محفوظ مقامات پر منتقل کردیا گیا ہے، سیلاب سے متاثر علاقوں میں امدادی کارروائیاں شروع کردی گئی ہیں۔ انڈونیشیا کے محکمہ موسمیات نے کئی علاقوں کیلئے خراب موسم کی وارننگ جاری کی ہے۔
کہ جنوری اور فروری کے دوران ملک کے کئی جزائر خصوصاً جاوا، سولاویسی، مالوکو اور پاپوا میں مزید طوفانی بارشوں اور سیلابوں کا خطرہ موجود ہے۔ لوگوں کو احتیاطی تدابیر اختیار کرنے کا مشورہ دیا گیا ہے۔