ڈونگرے آرچیت پراگ نے تیسرا نمبر حاصل کیا، تقرری کیلئے جملہ1009امیدواروں کی سفارش
نئی دہلی: یونین پبلک سروس کمیشن کے سیول سرویس امتحان میں دو خواتین شکتی دوبے اور ہرشیتا گوئل نے پہلا اور دوسرا مقام حاصل کیا ہے ، جبکہ ڈونگرے آرچیت پراگ تیسرے نمبر پر رہے۔ کمیشن نے منگل کو نتائج کا اعلان کرتے ہوئے کہا کہ ٹاپ پانچ امیدواروں میں تین خواتین اور دو مرد ہیں۔ کمیشن نے مختلف خدمات میں تقرری کیلئے جملہ1009امیدواروں (725 مرد اور 284 خواتین) کی سفارش کی ہے ۔ان میں سے انڈین ایڈمنسٹریٹو سروس کیلئے 180، انڈین فارن سروس کیلئے 55، انڈین پولیس سروس کیلئے 147، سنٹرل سرویس گروپ اے کیلئے 605 اور گروپ بی کیلئے 142 امیدواروں کا انتخاب کیا گیا ہے ۔سیول سروسیز (ابتدائی) امتحان کیلئے مجموعی طور پر 9,92,599 امیدواروں نے درخواست دی تھی، جن میں سے 5,83,213 امیدواروں نے اصل میں امتحان میں شرکت کی۔ جملہ 14,627 امیدواروں نے تحریری (مین) امتحان کیلئے کوالیفائی کیا۔ ان میں سے 2,845 امیدوار امتحان کے پرسنالٹی ٹسٹ کیلئے کوالیفائی ہوئے ۔فرسٹ پوزیشن کی حامل شکتی دوبے نے پولیٹیکل سائنس اور بین الاقوامی تعلقات کو اختیاری مضامین کے طور پر پاس کیا۔ وہ الہ آباد یونیورسٹی سے بائیو کیمسٹری میں گریجویٹ ( بی ایس سی ) ہے ۔ہرشیتا گوئل نے ایم ایس یونیورسٹی آف بڑودہ سے گریجویٹ (بی کام) سیاسیات اور بین الاقوامی تعلقات کے ساتھ اختیاری مضامین کے ساتھ دوسری پوزیشن حاصل کی ہے ۔وی آئی ٹی ، ویلور سے الیکٹریکل اور الیکٹرانکس انجینئرنگ میں گریجویٹ ( بی ٹیک ) ڈونگرے آرچیت پراگ نے فلسفہ کے ساتھ اختیاری مضمون کے طور پر تیسری پوزیشن حاص