شادنگر۔ 24 نومبر ( سیاست ڈسٹرکٹ نیوز ) ٹی پی سی سی سربراہ ریونت ریڈی آج ہفتہ کو شادنگر ٹاؤن میں اسمبلی انتخابی مہم کے حصہ کے طور پر عوامی جلسہ عام میں شرکت کریں گے۔ ریونت ریڈی کے جلسہ عام کیلئے کانگریس پارٹی بڑے پیمانے پر متحرک ہو گئی ہے۔ شاندار پیمانے پر کامیاب بنانے کا منصوبہ بنایا جا رہا ہے۔ کانگریس قائدین نے اعلان کیا ہے کہ انتخابی مہم ختم ہونے کے ساتھ ہی کانگریس پارٹی بڑی توقعات کے ساتھ جلسہ منعقد کرنے جارہی ہے۔ اس موقع پر کانگریس پارٹی کے امیدوار ویرلا پلی شنکر، سابقہ ایم ایل اے چولا پلی پرتاپ ریڈی اور مقامی ٹاؤن سی آئی پرتاپ لنگم نے جمعہ کو جلسہ گاہ کے احاطہ کا دورہ کرتے ہوئے تمام صورتحال کا معائنہ کیا۔ پرانی قومی شاہراہ کے قریب میں واقع یگ شالہ سائٹ پر کانگریس پارٹی کی ایک بڑی کھلی میٹنگ کے لیے کانگریس جمع ہونے والے ہیں۔ انہوں نے بتایا کہ جلسہ ہفتہ کو دوپہر 12 بجے شروع ہوگا۔ریونت ریڈی سبھا کو کامیاب بنائیں،کانگریس پارٹی شادنگر حلقہ امیدوار ویرلاپلی شنکر نے اس موقع پر کہا ہے کہ عوام، پارٹی قائدین ، کارکنوں اور قائدین پر زور دیا کہ جلسہ میں بڑی تعداد میں شرکت کر کے جلسہ کو کامیاب بنانے کی اپیل کی۔
