گڑگاؤں: ہریانہ کے گڑگاؤں میں ایک نوجوان نے شادی نہ کرنے پر لڑکی کو راستے میں چاقوسے مار کر قتل کردیا۔ قتل کے وقت بچی کی والدہ بھی ساتھ تھی لیکن وہ بیٹی کو قاتل کے چنگل سے نہ بچا سکی۔ متوفی نیہا (19) اور ملزم راجکمار کی چند ماہ قبل منگنی ہوئی تھی۔ اس کے بعد دونوں کے درمیان جھگڑا ہوا جس کی وجہ سے منگنی منسوخ کر دی گئی۔ اس کے باوجود راجکمار شادی پر اٹل رہا۔قتل کی یہ پوری واردات سی سی ٹی وی کیمرے میں قید ہوگئی۔ جس کے بعد پولیس نے ملزم کے خلاف قتل کا مقدمہ درج کر کے اسے گرفتار کر لیا۔واقعہ کی سی سی ٹی وی فوٹیج منظر عام پر آگئی ہے۔جس میں دیکھا جا رہا ہے کہ نیہا اپنی ماں کے ساتھ گلی میں کھڑی ہے۔ سفید کرتا پاجامہ پہنے ایک نوجوان آہستہ آہستہ ان کی طرف بڑھتا ہے۔ وہ ان سے کچھ فاصلے پر رک جاتا ہے۔پھر ان کے درمیان بات چیت ہوتی ہے۔ دونوں کے درمیان تقریباً 25 سیکنڈ تک بات چیت جاری رہی۔ اسی دوران لڑکی اور اس کی ماں آہستہ آہستہ نوجوان کے قریب آگئیں۔ اس کے بعد اچانک نوجوان نے چاقو نکال کر لڑکی کو پیٹ میں گھونپ دیا۔یہ دیکھ کر لڑکی کی ماں نوجوان کو پکڑ کر لے جانے کی کوشش کرتی ہے۔ وہ کافی دیر تک جھگڑتے رہتے ہیں۔ ایک دوسرے کو دھکیلتے ہوئے کچھ فاصلے تک چلتے ہیں۔لڑکی بیہوش ہو کر نیچے گر گئی۔ اس کے بعد ماں نے نوجوان کا ہاتھ پکڑ کر اسے بھاگنے سے روک دیا۔ اس دوران لڑکی کی ماں نے بھی ملزم نوجوان کو چپلوں سے مارا۔پولیس نے کہاکہ جب نیہا منگنی پر راضی نہیں ہوئی تو ملزم نے دشمنی رکھنا شروع کر دی۔
