کولکاتا، 19جولائی (یواین آئی) فاسٹ بولر محمد کو بنگال کے آئندہ ڈومیسٹک سیزن کیلئے 50ممکنہ کھلاڑیوں کی توسیعی فہرست میں شامل کیا گیا ہے ۔ وہ 28اگست کو شروع ہونے والی دلیپ ٹرافی میں ایسٹ زون کیلئے کھیل سکتے ہیں۔ یہ شامی کی مسابقتی کرکٹ میں واپسی کا پلیٹ فارم بن سکتا ہے ۔ شامی نے ہندوستان کیلئے 64 ٹسٹ، 108ونڈے اور 25ٹی ٹوئنٹی میچ کھیلے ہیں۔ ایک طویل وقفے میں ٹخنے کی سرجری سے صحت یاب ہونے کے بعد وہ آخری بار 2025کے اوائل میں چمپئنز ٹرافی میں ہندوستان کیلئے کھیلے تھے ۔ اس ٹورنمنٹ میں انڈیا نے فائنل میں نیوزی لینڈ کو شکست دی اور شامی نے پانچ میچوں میں 9 وکٹیں حاصل کئے، جو ورون چکرورتی کے ساتھ انڈیا کیلئے مشترکہ سب سے زیادہ وکٹیں رہیں (چکرورتی نے تین میچوں میں 9 وکٹیں لئے)۔ اس کے بعد شامی کی نئی ٹیم سن رائزرس حیدرآباد انڈین پریمیئر لیگ (آئی پی ایل) میں چھٹے نمبر پر رہی اور ان کی کارکردگی بھی زیادہ اچھی نہیں رہی۔ انہوں نے نو میچوں میں صرف چھ وکٹیں حاصل کئے اور فی اوور 11.23 رنز خرچ کئے۔ فہرست میں ابھیمنیو ایشورن، آکاش دیپ، مکیش کمار، شہباز احمد اور ابھیشیک پورل بھی شامل ہیں۔
