بالی ووڈ سوپر اسٹار شاہ رخ خان کے پرستار انہیں طویل وقت سے سلور اسکرین پر دیکھنے کو بے تاب ہیں۔ وہ پچھلی بار آنند ایل رائے کی فلم زیرو میں نظر آئے تھے۔ حال ہی میں خبر آئی تھی کہ شاہ رخ، رنبیر کپور اور عالیہ بھٹ کی آنے والی فلم ’’برہمااستر‘‘ میں مہمان رول کریں گے۔ اب خبر آئی ہے کہ شاہ رخ نے اس فلم میں اپنے سین کی شوٹنگ شروع کردی ہے۔ سوشل میڈیا پر ایک ٹوئٹ وائرل ہو رہا ہے جس میں شاہ رخ خان کو لیکر ٹوئٹ کیا گیا ہے۔ ایک یوزر نے ایک اسٹوری کی تصویر شیر کرتے ہوئے کیپشن لکھا ’’یس آر کے برہما استرا کے ساتھ نائٹ شیڈول گیارہواں دن‘‘ شاہ رخ خان ہی نہیں میگا اسٹار امیتابھ بچن اور ساوتھ کے سوپر اسٹار اکنینی ناگرجنا بھی اس فلم کا حصہ ہے۔ ذرائع کے مطابق فلم میں شاہ رخ کا رول گیسٹ اپیرنس ہوگا، لیکن ان کا کردار رنبیر کے سفر کو آگے لیجانے میں اہم رول نبھائے گا۔ اس سے پہلے شاہ رخ خان رنبیر کپور کی فلم ’’اے دل ہے مشکل‘‘ میں بھی مہمان رول کرچکے ہیں۔ ایان مکرجی کی جانب سے ڈائرکٹ اس فلم میں مونی رائے اور ڈمپل کپاڈیہ بھی اہم کرداروں میں ہے۔ برہما استر اپنی اسٹار کاسٹ اور تکنیک کی وجہ سے سرخیوں میں بنی ہوئی ہے۔ پہلے یہ فلم اس سال دسمبر میں ریلیز ہونے والی تھی لیکن اب اسے اگلے سال کے لئے آگے بڑھا دیا گیا ہے۔
