ریاض : خادم الحرمین الشریفین شاہ سلمان بن عبدالعزیز نے سعودی عرب کی جانب سے تیونس کو کوویڈ۔19 ویکسین کی 10 لاکھ خوراکیں مہیّاکرنے کی ہدایت کی ہے۔انھوں نے تْونسی صدر پروفیسر قیس سعید کی درخواست پر شاہ سلمان امداد اور ریلیف مرکز (کے ایس ریلیف)کوتونس کو کوروناوائرس کی ویکسین کے علاوہ ادویہ اور طبّی سامان بھی مہیّا کرنے کا حکم نامہ جاری کیا ہے تاکہ یہ غریب عرب ملک اس مہلک وَبا کے اثرات سے نمٹ سکے۔تْونسی صدر نے ملک کو درپیش ابترمعاژی حالات کے پیش شاہ سلمان بن عبدالعزیز سے فوری طبی امداد مہیا کرنے کی اپیل تھی۔واضح رہے کہ تْونس میں حالیہ دنوں میں کورونا وائرس کے یومیہ کیسوں اور اس سے ہلاکتوں کی تعدادمیں نمایاں اضافہ ہوا ہے اور حکومت اپنے موجودہ وسائل کے ساتھ اس وبا سے نمٹنے سے قاصر ہے۔