نئی دہلی: شہریت ترمیمی قانون اور این آر سی کے خلاف شاہین باغ میں پچھلے دیڑھ ماہ سے خواتین و بچے انتہائی احتجاج پر بیٹھے ہوئے ہیں۔ انتہائی سخت سردی کے باوجود انکے حوصلے پست نہیں ہوئے۔ لیکن یہ موسم چھوٹے بچوں کیلئے خطرناک ثابت ہورہا ہے۔ کچھ دن قبل یہاں ایک معصوم لڑکی کی جان چلی گئی۔ ذرائع کے مطابق تازہ واقعہ کے دوران چار ماہ کا لڑکا محمد جہان سردی کے باعث فوت ہوگیا۔ محمد جہان کے والد و والدہ محمد عارف و نازیہ روزانہ اپنے ساتھ محمد جہاں کو اپنے ساتھ یہاں احتجاج میں ساتھ لیکر آتے۔
انہوں نے اپنی حب الوطنی کا ثبوت دیتے ہوئے اپنے چار ماہ کے بچے کے نرم گالوں پر ترنگا کا نشان لگا دیا تھا جو سب کی توجہ کا مرکز بھی رہا۔ محمد عارف و نازیہ کا تعلق اترپردیش کے بریلی سے ہے۔ محمد عارف پیشہ ایمبرائڈری کا کام کرتے ہیں اور ان کی بیوی ان کے اس کام میں ان کی مدد بھی کرتی ہے۔ اس جوڑے ایک پانچ سال کی لڑکی اور ایک سال کا لڑکا بھی ہے۔ وہ باٹلہ ہاؤز علاقہ میں ایک چھوٹی سی جھونپڑی میں مقیم ہیں۔