جنیوا : عالمی بینک اور انٹر نیشنل مانیٹری فنڈ(آئی ایم ایف) کے اعدادوشمار کے مطابق 2024ء میں چین امریکہ کو پیچھے چھوڑتے ہوئے دنیا کی سب سے بڑی معیشت بن جائے گا۔ اعدادوشمار کے مطابق 2024 ء میں جی ڈی پی کے حجم کے لحاظ سے چار ایشیائی ممالک یوروپ کو پیچھے چھوڑ دیں گے جبکہ چین پہلے اور امریکہ دوسرے نمبر ہو گا۔ رپورٹ کے مطابق 1990ء کے بعد چین کی معاشی شرح نمو مسلسل بڑھ رہی ہے ، ہندوستان اور انڈونیشیا حال ہی میں 10بڑی معیشتوں میں شامل ہوئے ہیں، امکان ہے کہ 2024 ء میں ہندوستان تیسرے جبکہ انڈونیشیا پانچویں نمبر پر ہو گا۔
