بعنوان تحفظ وقف کا انعقاد!
حیدرآباد ۔ 24 ۔ ستمبر : ( راست ) ۔ شریعت کمیٹی برائے خواتین، حیدرآباد کی جانب سے خواتین و طالبات کیلئے موجودہ دور میں مسلمانان ہند کو درپیش چیالنجس میں ایک اہم چیالنج، وقف ترمیمی بل 2024، ہے۔ مرکزی حکومت اس بل کو لانا چاہتی ہے، اور جوائنٹ پارلیمانی کمیٹی کی جانب سے اس بل پر رائے مانگنے پر،اس بل کے خلاف مسلمانوں نے لاکھوں ای میلس بھیجے ہیں۔ اس اہم عنوان کو مد نظر رکھ کر کمیٹی نے عامتہ الناس خاص کر خواتین و طالبات میں وقف ترمیمی بل کے بارے میں شعور بیدار کرنے، وقف کی شرعی حیثیت کو اجاگر کرنے اور متحدہ طور پر وقف ترمیمی بل کو مسترد کرکے اسکے نقصانات سے واقف کرانے کیلئے ایک اہم ورکشاب بعنوان تحفظ وقف 25/ ستمبر، 2024، بروز: چہارشنبہ، بوقت: 11 بجے دن تا 4 بجے شام، سلامہ سنٹر، پرانی حویلی پر منعقد ہوگا۔اس ورکشاپ میں اہم عنوانات جیسے ”اسلام میں وقف کی اہمیت”، ”وقف کا تعارف”، ”تاریخ وقف”، ” وقف ترمیمی بل2024 ”، وقف ترمیمی بل کے نفاذ سے مسلمانوں کو پہنچنے والے نقصانات” اور عصر حاضر میں مسلمانوں کو درپیش قانونی چیالنجس، تحفظ وقف کس طرح کیا جا سکتا ہے۔؟و غیرہ پر محترمہ شمیم فاطمہ صاحبہ، صدر مسلم ویمن اسوسی ایشن، حیدرآباد، محترمہ رقیہ فرزانہ ، رکن عاملہ، شریعت کمیٹی، ڈاکٹر اسماء زہرہ ، صدر شریعت کمیٹی، محترمہ تہنیت اطہر ، رکن عاملہ شریعت کمیٹی اور ایڈوکیٹ ماریہ احمدی و دانشور خواتین مخاطب کریں گیں۔ خواتین و طالبات سے گزارش ہیکہ زیادہ سے زیادہ تعداد میں شرکت فرمائیں ۔
