خرطوم: شمالی سوڈان کی ریاست نہر النیل کے شہر اطبارہ میں منگل کو اسلامک بریگیڈ کے ایک اجتماع پر ڈرون حملے میں متعدد افراد ہلاک اور زخمی ہو گئے ۔ ملک کی سلامتی کمیٹی نے یہ اطلاع دی۔کمیٹی نے ایک بیان میں کہا کہ افطار کے بعد مغرب کی نماز ادا کررہے نمازیوں کے ایک گروپ پر ڈرون حملہ کیا گیا ۔بیان میں کہا گیا ہے کہ حملے میں متعدد افراد ہلاک اور زخمی ہوئے ، زخمیوں کو علاج کے لیے منتقل کر دیا گیا ہے ۔ادھر مقامی میڈیا نے بتایا کہ ڈرون حملے میں البرہ بن مالک بریگیڈ کو افطار کے بعد مغربی کی نماز کے وقت نشانہ بنایا گیا۔عینی شاہدین کے مطابق حملے میں 7 افراد ہلاک اور 17 کے قریب زخمی ہوئے ہیں، جب کہ ہلاکتوں کی تعداد کے بارے میں تاحال کوئی سرکاری اطلاع جاری نہیں کی گئی۔ابھی تک کسی گروپ نے حملے کی ذمہ داری قبول نہیں کی ہے ۔البرا بن مالک بریگیڈ سوڈانی مسلح افواج (ایس اے ایف) کے ساتھ مل کر دارالحکومت خرطوم کے شمال مغرب میں واقع اومدرمان شہر میں نیم فوجی ریپڈ سپورٹ فورسز (آر ایس ایف ) کے خلاف لڑ رہی ہے ۔سوڈان 15 اپریل 2023 سے ایس اے ایف اور آر ایس ایف کے درمیان پرتشدد جھڑپوں کا سامنا کر رہا ہے۔ مسلح تصادم کے مقام اور واقعہ کے ڈیٹا پروجیکٹ نے دشمنی کے آغاز سے لے کر اب تک تقریباً 13 ہزار 900 اموات ریکارڈ کی ہیں۔
