ممبئی :مہاراشٹرا کی شنڈے حکومت کے تعلق سے ریاست کے سابق وزیر سیاحت اور ٹھاکرے گروپ کے اہم لیڈر آدتیہ ٹھاکرے نے ایک بڑا دعویٰ کیا ہے۔ انھوں نے کہا ہے کہ شنڈے حکومت 31 دسمبر تک گر جائے گی۔ آدتیہ ٹھاکرے کے مطابق 2024 میں ملک اور مہاراشٹرا میں نئی حکومت بنے گی۔ انھوں نے ساونت واڑی مین ایک جلسہ عام سے خطاب کرتے ہوئے یہ بیان دیا ہے۔ اراکین اسمبلی کی رکنیت کے بارے میں اسمبلی اسپیکر کے سامنے چل رہی سماعت پر آدتیہ ٹھاکرے نے کہا کہ اسمبلی اسپیکر کو 31 تاریخ یا اس سے پہلے فیصلہ لینا چاہیے۔ حالانکہ یہ حکومت زیادہ وقت تک نہیں چلے گی۔ دسمبر میں یہ حکومت گر جائے گی۔ممبئی میونسپل کارپوریشن نے ممبئی کے ڈیلیل روڈ پر پل کے افتتاح سے متعلق اادتیہ ٹھاکرے سے جب سوال کیا گیا تو انھوں نے میونسپل کارپوریشن پر شدید تنقید کی۔
