ممبئی : نیشنل کانگریس پارٹی (این سی پی) کے صدر اور آبی وسائل کے سابق وزیر جینت پاٹل نے جمعرات کو مہاراشٹر حکومت پر سخت حملہ کرتے ہوئے کہا کہ شنڈے -فڑنویس حکومت یہاں سرحدی علاقوں میں رہنے والے لوگوں کے مسائل حل کرنے میں ناکام رہی ہے ۔ پاٹل نے میڈیا والوں سے کہا کہ اس حکومت کے دور میں چھترپتی شیواجی مہاراج کی تاریخ کی غلط تشریح کی گئی۔ مہاراشٹر کے کئی پروجیکٹ گجرات منتقل کیے جا رہے ہیں اور اس سے ریاست کے لوگوں میں بے اطمینانی پیدا ہوئی ہے ۔ اس کی مخالفت میں مہا اگھاڑی حکومت 17 دسمبر کو مارچ نکال رہی ہے اور این سی پی کی میٹنگ میں اس پر بھی تبادلہ خیال کیا جائے گا۔پچھلے کچھ دنوں سے مہاراشٹر اور کرناٹک کے درمیان سرحدی تنازعہ چل جاری ہے ، کرناٹک حکومت لگاتار مہاراشٹرا حکومت پر الزام لگا رہی ہے ۔
