اسمبلی حلقہ بودھن سے بی آر ایس کے امیدوار عامرشکیل کی بھاری اکثریت سے کامیابی یقینی
حیدرآباد ۔ 25 نومبر (سیاست نیوز) عائشہ فاطمہ عامر اپنے شوہر اسمبلی حلقہ بودھن کے بی آر ایس امیدوار عامرشکیل کی طوفانی انتخابی مہم چلاتے ہوئے عوام کا دل جیتنے میں اہم رول ادا کررہی ہیں۔ سماج کے مختلف طبقات میں عائشہ عامر گھل مل کر کام کررہی ہے۔ بی آر ایس پارٹی نے اسمبلی حلقہ بودھن سے عامرشکیل کو تیسری مرتبہ امیدوار بنایا ہے۔ ان کی شریک حیات اپنے شوہر کو مسلسل تیسری مرتبہ اسمبلی روانہ کرنے کیلئے کمربستہ ہوگئی ہے۔ ایک طرف عامر شکیل عوام سے گھل مل کر کام کررہے ہیں۔ دوسری طرف ان کی شریک حیات مختلف علاقوں کا دورہ کرتے ہوئے اپنے شوہر کی 10 سالہ کارکردگی، ترقیاتی اقدامات، فلاحی اسکیمات سے عوام کو پہنچائے گئے فائدوں کی بڑے پیمانہ پر تشہیر کررہی ہیں۔ بی آر ایس حکومت کے اقدامات کے تعلق سے بڑے پیمانے پر شعور بیداری کی جارہی ہے، جس سے عوام میں نیا جوش و خروش دیکھا جارہا ہے۔ عائشہ عامر عوام کے درمیان پہنچ کر حکومت اور اپنے شوہر کی کارکردگی پیش کرنے کے علاوہ بی آر ایس کے انتخابی منشور کے تعلق سے عوام کو بتا رہی ہیں۔ بی آر ایس کی تیسری مرتبہ کامیابی کے بعد چیف منسٹر کے سی آر تلنگانہ کے عوام کو صرف 400 روپئے میں پکوان گیس فراہم کریں گے۔ حکومت غریب عوام کو 5 لاکھ روپئے تک لائف انشورنس فراہم کرے گی جس کا پریمیم بھی حکومت ادا کرے گی۔ 15 لاکھ روپئے تک مفت طبی سہولت فراہم کی جائے گی۔ راشن شاپس سے غریب عوام کو باریک چاول سربراہ کیا جائے گا۔ خواتین کو ماہانہ 3 ہزار روپئے کی مالی امداد کی جائے گی۔ آسرا پنشن کی رقمی امداد 5 ہزار تک پہنچ جائے گی۔ن